Futbollisti i Barcelonës, Lamine Yamal, është afër finalizimit të blerjes së një prone luksoze që më parë i përkiste Gerard Piqué dhe këngëtares Shakira.
Kjo shtëpi, e cila gjendet në Esplugues de Llobregat, një zonë periferike e Barcelonës, pritet të kushtojë rreth 11 milionë euro. Vendndodhja është strategjike, pranë qendrës stërvitore të klubit dhe shtëpive të disa prej kolegëve të tij, si Alejandro Balde dhe Ronald Araújo, duke përfshirë edhe ish-yllin e Barçës, Andrés Iniesta.
Sipas burimeve, pasuria përfshin një sipërfaqe prej 3,800 metrash katrorë, me ambiente të ndryshme luksoze si zona lojërash, studio, bibliotekë, pishina të shumta, kinema, fushë futbolli dhe padeli. Nëse blerja realizohet, 18-vjeçari Yamal do të shënohet si një nga futbollistët më të rinj që zotëron një pronë kaq luksoze, duke pasqyruar ngritjen e tij të shpejtë në karrierë.
Leave a Reply