Një ngjarje tragjike është raportuar në fshatin Brod, Komuna e Shtërpcës, ku një i ri është gjetur i vdekur.
Yll Hyseni, 18 vjeç, humbi jetën një kilometër larg shtëpisë së tij, pas raportimit të zhdukjes nga familjarët një ditë më parë. Zëdhënësi i policisë së Ferizajt, Kanun Veseli, konfirmoi se familja e Hyseni kishte njoftuar për zhdukjen e tij më 10 dhjetor.
Ai kishte dalë nga shtëpia rreth mesnate dhe nuk u kthye më. Policia menjëherë nisi hetimet, duke e trajtuar rastin si “person i zhdukur”, nën urdhërat e Prokurorit të Shtetit.
Trupi i pajetë i të riut u gjet më 11 dhjetor, rreth orës 13:20, në një livadh pranë shtëpisë. Mjekët e Qendrës së Mjekësisë Familjare në Shtërpcë konstatuan vdekjen.
Hetimet janë në vazhdim për të zbardhur rrethanat e ngjarjes.
Leave a Reply