Analisti politik Visar Ymeri ka analizuar rezultatet e zgjedhjeve lokale, duke vënë në dukje se ngjarjet e fundit nuk kanë qenë të papritura, edhe pse ka pasur ndryshime të vogla në disa komuna.
Ai theksoi se rezultatet e balotazhit ishin të pritshme dhe se tashmë është e qartë cilët kandidatë kanë avantazhe në raundin e dytë. Në një diskutim në “VV Show”, Ymeri veçoi garën për kryetar në Mitrovicë si një nga më të spikaturat e këtij procesi.
Ai vuri në dukje se pavarësisht mospërputhjeve mes sondazheve të daljes dhe rezultateve përfundimtare, rinumërimet e votave kanë treguar një diferencë më të madhe mes kandidatëve krahasuar me rezultatet paraprake. Ymeri gjithashtu nënvizoi se një nga befasitë e zgjedhjeve ishte performanca e dobët e Lëvizjes Vetëvendosje në asambletë komunale, edhe pse disa kandidatë për kryetarë komunash, si në Fushë Kosovë, patën një rritje votash.
Ai vlerësoi se ndërsa LVV ka pasur sukses me disa kandidatë për kryetarë, organizimi në nivel lokal nuk ishte aq i fortë.
Leave a Reply