Real Madridi triumfoi kundër Barcelonës me rezultat 2-1 në ndeshjen e 10-të të La Ligës, duke ruajtur kryesimin me 27 pikë, ndërsa Barcelona mbetet e dyta me 22.
Në mungesë të trajnerit Hansi Flick, i pezulluar për këtë përballje, drejtimin e ekipit katalanas e mori zëvendësi i tij, Marcus Sorg. Në konferencën për shtyp pas ndeshjes, Sorg komentoi për lojën e Lamine Yamalit, duke shpjeguar presionin që ai përjetoi nga tifozët.
Sorg theksoi se Yamal ende po mëson të përballojë thirrjet e publikut, gjë që mund të ketë ndikuar negativisht në performancën e tij. Ai shtoi se zakonisht lojtari është shumë i motivuar, por sot nuk ishte një ditë e lehtë për të.
Sorg gjithashtu vuri në dukje se kundërshtarët shpesh përdorin strategji mbrojtëse të dyfishta për të penguar Yamalin, por ai është ende i ri dhe ka nevojë për zhvillim të mëtejshëm.
Leave a Reply