Prokuroria Speciale e Kosovës, së bashku me Policinë e Kosovës dhe me mbështetjen e Gjykatës Themelore të Prishtinës, ka realizuar një operacion të gjerë në komunat Zubin Potok dhe Zveçan, në kuadër të hetimeve për vrasjen e zyrtarit të EULEX-it, Audrius Senavicius, në vitin 2013.
Më 19 tetor 2025, janë kontrolluar nëntë vendndodhje – dy në Zveçan dhe shtatë në Zubin Potok, ku janë konfiskuar armë, municion dhe veshje me përmbajtje nacionaliste, ndër të tjera. Gjatë aksionit, shtatë persona u shoqëruan për intervistim dhe më pas u liruan.
Në vitin 2013, Senavicius, një zyrtar nga Lituania, u vra në një pritë në Zveçan, gjatë kthimit nga kufiri me Serbinë. EULEX-i kishte ofruar një shpërblim për informacionet që do të çonin në arrestimin e autorëve të këtij krimi.
Operacioni i fundit synon të ndriçojë më tej rastin, duke mbledhur prova të reja materiale si dylbi, dokumente dhe pajisje elektronike.
Leave a Reply