Sokol Havolli nga Lidhja Demokratike e Kosovës ka deklaruar se partia e tij nuk do ta mbështesë rizgjedhjen e Vjosa Osmanit për presidente.
Ai theksoi se zgjedhja e kreut të shtetit kërkon një mirëkuptim politik të gjerë, gjë që ka munguar në këtë rast. Havolli kujtoi se pesë vite më parë, Osmani kishte marrë mbështetjen e LDK-së me kushtin e përfaqësimit të unitetit kombëtar, por tani, sipas tij, ajo ka favorizuar interesat e Lëvizjes Vetëvendosje.
Në lidhje me përgjegjësinë për një mundësi të re zgjedhjesh, Havolli sqaroi se nëse LVV vendos të shkojë në zgjedhje të reja për postin e presidentit, kjo do të jetë përgjegjësi e tyre dhe jo e LDK-së. Ai shtoi se LDK-ja nuk ka hequr dorë nga ambicia për t’u rikthyer si partia kryesore në vend dhe po punon me një program serioz për ta arritur këtë.
Leave a Reply